Доењето има бројни предности по здрвјето и на мајката и на детето. Доилките имаат помал ризик од скршеници на коските и колковите во менопаузата. Мајчиното млеко му помага на бебето да изгради подобар имун систем и да биде поздраво. Но, многу жени се одлучуваат не го дојат своето дете, поради промените на телото, односно на градите.
Истражувачите собрале податоци од 132 жени за висината, тежината, големината на градниците во бременоста, како и за тоа дали се пушачи.
Утврдено е дека нема разлика во стгепенот на опуштеност на градите помеѓу жените кои доеле и оние кои не доеле.
Исто така е утврдено дека опуштеноста се зголемува со бројот на родени деца и дека пушењето многу негативно делува на опуштањето на градите. Пушењето цигари го разградува еластинот, кој е одговорен за затегнатоста на кожата на градите. Носењето несоодветен градник е важен фактор во опуштањето на градите за време на бременоста.
