Дали е исто стерилитет и неплодност? Не е, но тоа се два израза кои најмногу ги збунуваат паровите. Неретко луѓето во зборувањето ги користат наизменично, а тие всушност опишуваат две различни дијагнози – секоја состојба има свои можности и лекување. Стручњаците сметаат дека е многу важно луѓето да направат разлика.
ШТО Е СТЕРИЛИТЕТ?
Една од вообичаените дефиниции е неможноста за создавање на потомство (деца), а е резултат на многубројни причини, како што се лигација (подврзување) на јајцеводите, хистеректомија или вазектомија. Подврзување на јајцеводите претставува постапка за блокирање или нивно делумно отстранување, што ја спречува можноста за спојување на спермата и јајце клетките. Вазектомијата е слична на лигацијата на јајцеводите, но кај мажите и таа оневозможува сперматозоидите да излезат од тестисите. Во вакви случаи кај мажите и жените, не постои можност за зачнување. Постои уште еден важен детал, а тоа е дека кај некои жени стерилитетот се јавува и како резултат на хистеректомија или отстранување на матката.
ШТО Е НЕПЛОДНОСТ?
Неплодноста во голема мера се разликува од стерилитетот. Постојат два вида на неплодност кои се драстично поинакви. На најосновното ниво, неплодноста претставува безуспешни обиди за зачнување, при што паровите барем 12 месеци работат на забременување во одредени временски интервали, а без употреба на било каков вид на контрацепција. Кај жените кои имаат над 35 години, овој период може да биде и подолг, поточно на жените на оваа возраст им е потребно повеќе време за забременување. Втората причина поради која 12 месечниот период може да се продолжи е ановулавија кај жената (кога нема овулација) или бавна подвижност на сперматозоидите кај мажот. За разлика од стерилитетот, неплодноста не е директен резултат на здравствена состојба.
