Денес децата живеат во премногу чисти, некогаш и во речиси стерилни услови, а тоа не е добро за нивното здравје.
Научникот Џек Гилберт почнал да ја проучува „опасноста“ од бактериите откако го гледал својот син како игра надвор: „Ние ќе излезевме надвор и мојот син повеќе сакаше да си игра во калта, но штом ќе се извалкаше, носевме влажни марамчиња или антибактериско средство и се грижевме нечистотијата случајно не му се приближи на лицето“, вели тој и додава дека истото важи и за домашните миленици: „Секако дека е во ред да ги измиете рацете по играњето со кучето, но ако кучето го лиже детско лице, дека не е толку критично како што мислат многу луѓе“.
Која е придобивката да му дозволите на детето малку да се извалка? Пред сè, нагласува д-р Гилберт, намален ризик од алергии. Иако развојот на технологијата и модернизацијата овозможија подобар животен стандард, тие исто така ја загрозија силата на имунолошкиот систем на децата: „Во минатото јадевме многу повеќе ферментирана храна која содржеше бактерии. Дозволувавме децата да бидат изложени на животни , растенија, кал и почва на дневна основа. Сега, повеќе време поминуваме во затворени простории. Ги стерилизираме нашите површини и поради тоа, имунитетот на децата стана преосетлив“.
Тој исто така нагласува дека родителите можат да го подобрат имунитетот на децата со тоа што нема да трчаат наоколу со антибактериски средства и влажни марамчиња. Тој, ги советува родителите и да им обезбедат на своите деца доволно лиснат зеленчук и влакна и да го ограничат внесот на шеќер на дневна основа колку што е можно повеќе. Затоа, следниот пат кога вашето дете ќе сака да скока во кал додека си игра надвор, запомнете дека тоа е сосема во ред, ако не и препорачливо!
