Голема студија направена во Канада сугерира дека луѓето со нулта крвна група или Rh-негативен фактор може да имаат малку помал ризик од зараза со новиот коронавирус.
Меѓу 225.556 Канаѓани тестирани на вирусот, ризикот за дијагноза на COVID-19 бил за 12 проценти помал, а ризикот од тежок облик на COVID-19 или смртен исход за 13 проценти помал кај луѓето со нулта крвна група во однос на оние со A, AБ или Б, објавија истражувачите во „Annals of Internal Medicine“.
Лицата од која било крвна група кои биле Rh-негативни, исто така биле донекаде заштитени, особено ако имале нулта негативна крвна група.
„Луѓето со овие крвни групи можеби развиле антитела кои можат да препознаат некој аспект на новиот вирус, изјави за „Ројтерс“ коавторот д-р Џоел Реј од болницата „Сент Мишел“ во Торонто.
„Нашата следна студија конкретно ќе ги разгледува ваквите антитела и ќе види дали тие го објаснуваат заштитниот ефект“, рече Реј.
Дали и како овие информации може да влијаат на превенција или лекување на COVID-19 сè уште не е јасно.
- Линк до истражувањето во „Annals of Internal Medicine“ – ТУКА.
