Порано не било невообичаено да се слушнат родители како се обидуваат да “исправат грешки“ на други мама и тато – укажувајќи на тоа дека однесувањето на некое другарче на нивното дете не е убаво, потсетувајќи да го избрише носот и слично. Но, последниве години на родителите им е непријатно кога ќе се најдат во ситуации да дете кое не е нивно, во нивно присуството покажува знаци на лошо воспитување, бидејќи не можат да реагираат. Социјалните норми се променија и не е соодветно да се дисциплинира туѓо дете.
Но, постои ли сценариот по кое е во ред да се дисциплинира туѓо дете?
Ова се некои размислувања на мајки, кои биле прашани дали е во ред некоја друга мајка да реагира на однесувањето на нивното дете.
“Постои голема разлика помеѓу мешање во недоразбирање на игралиште и вистинско дисциплинирање на туѓо дете“, изјавила една мајка и објаснила:
“Ако некое дете фрла песок во очи на вашето или го турка, секако дека ќе се замешате, ќе го тргнете своето дете и ќе кажете нешто како: ‘Малите деца не се туркаат, така може да се повредат, особено ако се помали од тебе. Но, не допирате туѓо дете, гласот ви е мирен и не звучите луто. Ако родителот на тоа дете е присутен, ќе му се обраите нему“.
Значи постојат ситуации во кои е повеќе од соодветно да се покаже на нечие дете во што греши. Но, како што истакнале повеќе мајки, има и такви ситуации во кои не би требало да реагирате на воспитен начин. Родителот на другото дете би може да се навреди, како на пример, да го исправате неговото дете додека зборува, да укажувате на тоа како правилно се брише нос, да го потсетувате да не зборува грди зборови и друго.
“Без разлика на се, не е лесно да се пронајде вистински одговор кога некое дете лошо се однесува. Најдобро е да се служите со филозофијата од градинка и да се запрашате следново: Како јас би се чувствувала улогите да се обратни?“, порачале испитаните мајки.
