По повеќе години на опаѓање на случаите, туберкулозата е повторно во пораст, усмртувајќи околу 1,6 милиони луѓе во 2021 година, што е зголемување од 14 отсто за две години, покажаа новите податоци на Светската здравствена организација (СЗО).
Во својот годишен извештај, здравствената агенција на ООН објави дека „на глобално ниво, годишниот проценет број на смртни случаи од туберкулоза опаднал помеѓу 2005 и 2019 година, но проценките за 2020 и 2021 година сугерираат дека овој тренд е обратен.
Туберкулозата е предизвикана од бактерија која најчесто ги зафаќа белите дробови. Како и КОВИД-19, се шири низ воздухот од заразени луѓе, на пр. со кашлање. Може да се спречи и да се излечи
Најголемиот дел од проценетото зголемување на смртните случаи од туберкулоза се случува во четири земји: Индија, Индонезија, Мјанмар и Филипините.
Во извештајот се наведува дека е можно туберкулозата повторно да биде водечка причина за смрт во целиот свет од инфективен агенс, заменувајќи го КОВИД-19.
„Се проценува дека 10,6 милиони луѓе заболеле од туберкулоза во 2021 година, што претставува зголемување за 4,5% од 2020 година. Ова е прв пат по многу години да се забележи зголемување на бројот на луѓе заболени од туберкулоза и туберкулоза отпорна на лекови“, велат од СЗО.
Стапката на инциденца, нови случаи на 100.000 луѓе годишно, се зголемила за 3,6% помеѓу 2020 и 2021 година, откако паднала за околу 2% годишно во поголемиот дел од изминатите 20 години.
„Главниот заклучок од овој извештај е дека пандемијата на Ковид-19 и понатаму има штетно влијание врз пристапот до дијагноза и третман на туберкулоза и товарот кој го претставува болеста. Напредокот постигнат во годините до 2019 година е забавен, запрен или обратен, а постигнувањето на глобалните цели во борбата против туберкулозата веќе не е на дофат. Итно се потребни зголемени напори поддржани со зголемено финансирање за да се ублажат и да се сменат негативните ефекти на пандемијата врз туберкулозата“, истакнаа од СЗО.
Туберкулозата е предизвикана од бактерија која најчесто ги зафаќа белите дробови. Како и КОВИД-19, се шири низ воздухот од заразени луѓе, на пр. со кашлање. Може да се спречи и да се излечи.
