Малите „шефици“ веруваат во себе и нема да дозволат мислењата на другите да влијаат на нивната самодоверба. Нивната силна доминација им овозможува никогаш да не се плашат да пробуваат нови работи или да се стремат кон врвот. Нивната упорност и тврдоглавост им даваат храброст да ги поместуваат своите граници и да го надминат неуспехот
♦♦♦♦♦♦♦
Родителите на упорни девојчиња кои честопати се однесуваат како вистински мали „шефици“ неретко стравуваат дека нивните наследнички ќе пораснат во тврдоглави и арогантни луѓе. Сепак, според некои експерти, излегува дека „шефовскиот“ став има и свои добри страни затоа што ги обликува девојчињата во жени кои се инспирација за многумина, способни да го променат светот.
„Bright Side“ издвојува неколку причини зошто е всушност одлично ако сте родители на мала „шефица“:
- Емотивните девојчиња израснуваат во жени кои ги инспирираат другите
Благодарение на изразувањето на сопствените чувства на рана возраст, наместо да ги потиснуваат, малите „шефици“ веројатно ќе израснат во силни, зрели личности. Таквото однесување може да крие голем потенцијал за лидерска улога.
- Никогаш не се откажуваат од своите соништа
Тие не се откажуваат од своите соништа, а во нивното остварување им помага и вродената самодоверба, на која многумина и се восхитуваат. Иако оваа самодоверба понекогаш може да се смета за арогантна, таа е исто така најважната состојка што им помага на овие девојчиња да ги остварат своите соништа и цели во возрасна доба.
- Прифаќаат предизвици
Сакаат да го водат и диктираат својот животен пат без оглед на предизвиците и пречките со кои се соочуваат. Тие веруваат во нивната способност за успех и сакаат да му покажат на светот дека ниту една пречка нема да ги спречи.
- Не се плашат да ризикуваат и се страствени спрема животот
Иако ваквото однесување може да ви оди на нерви затоа што често го игнорираат мислењето на родителите и прават што сакаат, нивниот безгрижен став им дава посебна страст за животот.
- Ги поместуваат сопствените граници и се упорни
Малите „шефици“ веруваат во себе и нема да дозволат мислењата на другите да влијаат на нивната самодоверба. Нивната силна доминација им овозможува никогаш да не се плашат да пробуваат нови работи или да се стремат кон врвот. Нивната упорност и тврдоглавост им даваат храброст да ги поместуваат своите граници и да го надминат неуспехот.
- Автентични и искрени
Секогаш ќе застанат зад она во што веруваат. Нема да го променат своето однесување и личност само за да добијат одобрување од други луѓе. Исто така, наместо да молчат за работите што им пречат, тие зборуваат и не толерираат никакви глупости.
- Тие се лидери и секогаш се во првите редови кога треба да се направат промени
Има големи шанси вашата ќерка „шефица“ да прозбори и да истапи кога ќе забележи малтретирање на други луѓе. Овие луѓе имаат самодоверба и страст потребни за борба против неправдата, но и за да остварување на промени. Нивниот бескомпромисен став им дава сила да се држат до она во што веруваат, дури и ако тоа значи дека немаат поддршка од други луѓе.
