Веќе од првиот ден на својот живот, бебето може да го препознае мајчиниот глас, мирис, а ден-два подоцна и мајчиното лице. Но, ако мајката е принудена да го остави бебето старо неколку дена, детето ќе ја заборави за само неколку дена. Но, како развојот на бебешкото помнење напредува, така расте и неговата способност да помни се повеќе личности и случувања, а на возраст од околу две години детското помнење станува трајно. Еве како тече развојот во првите две недели:
Возрасните во мислите постојано го комбинираат минатото, сегашноста и иднината. Кога станува збор за штотуку родено бебе, работите се поедноставни: за него постои само сегашност, односно тоа мисли она што го слуша, чувствува, мириса, гледа – токму сега, овој момент. Многу стручњаци тврдат дека новороденчето може успешно да се смири со звуци слични на оние додека било во матката, но постојат и оние кои тврдат дека бебето воопшто не се сеќава на времето додека било во мајчиниот стомак.
Во прилог на тоа, тие наведуваат дека бебињата се смируваат и кога ќе слушнат пријатна музика, звук од автомобилски мотор или правосмукалка, како и отчукувањето на мајчиното срце, оти сакаат ритмични звуци. Новороденчињата не можат да се сетат што се случувало пред само неколку счасови, освен ако повторно не се најдат на потполно исто место. Според тоа, единствено звукот на отчукувањето на срцето може да им биде познат.
