Секое дете може да се однесува лошо од време на време, а бидејќи многу деца имаат проблем со регулирање на сопствените емоции, понекогаш таквото однесување може да биде и почесто. Но, доколку не се работи за повремена појава, туку состојба која постојано се повторува или воопшто не поминува, психолозите тврдат дека тогаш би можело да се работи за разгалено дете.
Имено, како што објаснуваат, постојат одредени знаци кои јасно можат да укажат дека нашето дете е разгалено или би можело да стане. Тоа се следниве знаци:
- Детето не го прифаќа зборот „не“;
- Бурно реагира на непријатни или лоши вести;
- Никогаш не сака да се прилагодува на другите;
- Одбива да ги следи правилата;
- Има чести тантруми;
- Не сака да помага ниту да учествува во домашните работи;
- Никогаш не кажува „благодарам“;
- Никогаш не сака да ги дели своите работи со другите;
- Никогаш не покажува емпатија;
- Не му е грижа ако неговото однесување им штети или ги загрозува другите.
