Кога детето ќе се заигра со коцки, ќе почнете да ги наоѓате секаде и многу е веројатно дека детето во еден момент ќе голтне и некоја од нив. Секако, тоа нема да биде случај со големи коцки и играчки, туку со мали делови како глави од мали човечиња, лего фигури…
Но, секако дека коцките не се единственото што децата го голтаат. Меѓу најчестите предмети се монети, но најчесто проблемот исчезнува за неколку дена, а евентуалните нуспојави се повраќање или отежната столица.
Во ова истражување, научнициите поради се позачестените случаи на голтање на коцки спровеле интересно истражување за да дознаат колку време е потребно децата преку голема нужда го исфрлат голтнатиот предмет. Во овој случај станувало збор за голтната глава од мала пластична фигура лего.
Повод за истражувањето била статистиката од Велика Британија каде за една година биле забележани 128.000 голтања на страни тела, најчесто голтање на монети. Токму на голтањето монети се посветени многу истражувања, додека многу малку истражувања се посветени на голнати други предмети, како делови од играчки или мали коцки. Според истражувањата за монетите, по голтањето паричките најчесто се пронаоѓани во период од три до пет дена во столицата на детето. Авторите се прашувале можат ли помали делови од играчки побрзо да поминат низ детскиот дигестивен систем.
За да дојдат до резултати, истражувачите ангажирале шест возрасни лица кои во исто време голтнале глава од лего фигура. Страното тело е избрано, оти станува збор за стандардна играчка која се наоѓа во повеќето семејства.
РЕЗУЛТАТИ
Просечното време да се најде делот од коцката, односно главата од лего фигурата, изнесувало 1,71 ден, без никакви компликации. Пет од шест лица успеале да ја најдат коцката во столицата и тоа при второто одење во тоалет. Шестото лице не ја пронашло коцката во столицата, ниту две недели подоцна што е знак дека и во тој случај се минало без потешкотии.
Во ова ново истражување утврдено е дека однапред дефинираната играчка минала низ возрасните лица во просек за 1-3 дена, без никакви компликации. Можно е времето на минување низ цревата кај децата во основа да се разликува од кај возрасните, но малку се докази кои тоа го потврдуваат. Ова ќе ви биде од корист на загрижените родители кои може да се загрижат поради транзитното време, кое може да биде продолжено и потенцијално болно за нивното дете. Научниците сепак сметаат дека не постои некоја посебна причина, оти се што може да помине низ хранопроводот, може на крајот и да излезе низ аналниот отвор.
