Да, повредите на главата може да се случат без разлика на огромната гриѓа и внимание кои ги посветувате на своето дете. Но, во најголем број случаи нема причина за загриженост. Траумата на главата е она што ги загрижува повеќето родители, но секако треба да се има на ум дека секој пад, не значи неминовно некоја сериозна повреда.
Челото, предниот дел од главата и кожата на черепот добиваат големи количини на крв. Тоа за последица има обилни крварења под кожата во случај на било каква посилна повреда на овој дел од телото. Доколку крварењето е ограничено на еден дел од главата, предизвикува појава на оток која неретко добива форма на “чворга“, односно медицински кажано хематом.
Треба да се има предвид дека големината на отокот никако не мора да биде показател на јачината на повредата. Дури и помал удар во главата може да резултира со појава на чворга. За да се ублажи отокот на загрозеното место што побрзо ставете студена облога.
Иако отокот најчесто се повлекува за неколку дена, промената на бојата на кожата на загрозеното место може да се задржи една или две недели. Но, ако сепак сте загрижени, отидете кај педијатар, да направи проценка на сериозноста на состојбата.
Секако, понекогаш може да се случи ударот во глава да биде толку силен, да предизвика крварење во или околу мозокот. Овој вид на крварење не смее да се смета за безопасен, оти може да предизвика протисок на мозокот.
Совет е веднаш да се обратите на лекар, ако по повредата на главата кај вашето дете воочите некои од наведените симптоми:
- Главоболка
- Незаинтересираност
- Губење рамнотежа
- Повраќање
- Губење свест
Иако конфузијата веројатно не е поврзана со појавата на хематом, задолжително обратете се на лекар, ако кај своето дете забележите губење на помнењето или конфузија по повредата на главата.
