Голем број на деца често одат на прсти кога се движат низ просторијата придржувајќи се за мебелот, особено ако под нив нема никаква подлога. Некои деца пак одат на прсти заради забава. Девојчињата тоа често го прават за да имитираат принцези од цртаните филмови. Генерално, одењето на прсти кај децата не е невообичаена појава и повеќето деца подоцна во целост ја исправаат оваа навика.
Но, секако треба да поразговарате со лекар доколку забележите поголем дел од наведеново:
- Детето оди на прсти поголем дел од делот
- На детето му се вкочанети мускулите
- Движењата на детето не се координирани
- Оди на прсти само на едната нога
- Детето оди чудо, се сопнува или се тетерави при одењето
- Детето не развива фини моторни вештини
- Се чини како да не може да ја поднесе својата тежина на рамни стапала
- Детето ги губи моторни вештини кои веќе ги поседувало
КОЈА Е ПРИЧИНАТА?
Ако детето константно оди на прсти, постои можност да има одреден физикален проблем, како на пример куса Ахилова тетива која оневозможува спуштање на целите стапала на тлото, рамни стапала, проблеми со мускулите на стапалата и ногата или лигаментите, кои оневозможуваат детето да оди со спуштени стапала, а ја намалува и подвижноста на самите зглобови. Но, одењето на прсти кое е зачестено и кое не се намалува, во многу ретки случаи може да биде знак за некое моторно пореметување. Таквите заклучоци не треба да ги донесувате сами, од проста причина што многу деца во некоја фаза на својот развој ја усвојуваат оваа навика.
