Јазикот е чувствителен орган. При јадење и џвакање тој се движи, врти и најчесто е под забите. Во моментот на гризнување, доаѓа до силна болка, која сепак брзо поминува и детето заборава дека се случило. Но, понекогаш се случува гризнувањето да биде посилно и да дојде до крварење кое треба да се санира.
За почеток смирете го детето, кое може да биде многу вознемирено не само од болката, туку и од крвта која ќе ја види или почувствува во устата.
СПРЕЧЕТЕ ГО КРВАРЕЊЕТО
- Ако детето силно се гризнало, треба прво да се стопира крварњето. Земете чисто хартиено марамче или парче памук и лесно притиснете на местото на гризнувањето. Држете така пет минути.
- Кога крварењето ќе се смири, дајте му на детето коцка мраз во устата. Ледот ќе го убажи отекувањето и истовремено ќе го намали чувството на болка.
Кога на лекар?
Ако станува збор за повреда при која јазикот силно и без престанување крвари, задолжително отидете на леакр. Кај длабоките грзнувања и силното крварење можно е да биде потребно шиење на раната. Може да се развијат и инфекции, па затоа јазикот задолжително треба да го прегледа стручно лице.
