Можеби мислите дека на децата не им пречат високите температури затоа што телата им се мали и имаат млад организам, но не е вистина, ним може да им биде потешко отколку на возрасните – само што не можат да се пожалат дека им е премногу топло.
За колку-толку на најмалите да им го олесните престојот на летните горештини, важно е да знаете како правилно да ги облечете. Бидејќи не е важно само да носат оскудна облека, клучно е и од какви материјали е направена облеката.
Не сите материјали се подеднакво проѕирни и пријатни за кожата, па на децата можат да им создадат дополнителна непријатност во форма на осип и иритација на кожата. Затоа, облеката од природни материјали ќе помогне да се заштитат децата од летните горештини. Од друга страна, синтетичките материјали, како полиестер и најлон, најчесто ја иритираат детската кожа, особено кај оние малечки кои се повеќе склони кон иритации и егземи.
Синтетичките влакна не се проѕирни и не дишат и ја задржуваат потта помеѓу ткаенината и кожата, создавајќи сличен ефект како да сте го завиткале детето во пластична кеса. Доколку детето е нервозно, се чеша или забележите осип и црвенило, веројатно не му одговара материјалот од кој е направена облеката.
Затоа, природните материјали, како што се памукот и бамбусот, се најдобриот избор. Избегнувајте слоевито облекување, облеката нека биде широка, а боите посветли. Исто така, шеширите и капите се задолжителен летен детал.
Доколку забележите дека детето станало раздразливо, дека кожата му е жешка и дека е уморно (а не е вообичаеното време за одмор), очигледно е дека му пречи топлината на која било изложено.
Во таков случај, тргнете го детето од сонце, поттикнете го да пие многу вода и задржете го под сенка.
