Од една страна, на децата, но и на возрасните слатките работи им се огромна радост, во било кој период од денот. Од друга пак, бројни истражувања и искуства на лекари, говорат дека долготрајното и претерано консумирање шеќер може да предизвика обезност, кариес, дијабетес, хиперактивност…
Но, како да се оддолее на сите тие бомбони, чоколади, бисквити, шарени лижавчиња? Како на детето да му се ограничат слатките задоволства за кои толку многу копнее?
Токму поради тоа што децата обожаваат слатки мини ужини, добра вест е дека скратувањето и криењето благи работи воопшто не е потребно, ниту пожелно. Имено, човечкиот организам генетски е предодреден да има потреба за шеќер и тоа со никакви забрани не може да се промени. Она што може да се промени или да се примени е умерено консумирање на слатко.
Но, колку е тоа умерено? Под умерено заблажување не се смета детето да изеде цела кутија бисквити или 200гр чоколадо.
Според општо прифатените нутриционистички совети, десертите и шеќерот од сите други извори, треба да се избегнуваат во орвата година од животот на детето, додека три лажици шеќер од сите прозводи се прифатлива количина за децата до нивната четврта година.
