Швајцарија е една од повеќето земји кои од оваа недела ги попуштија рестриктивните мерки во борбата против коронавирусот.
Дел од нив е и ублажувањето на мерките за социјална дистанца меѓу децата и нивните баби и дедовци. Имено, Д-р Даниел Кох, раководител на одделот за инфективни болести при Министерството за здравство на Швајцарија, изјави дека нивните научници заклучиле дека малите деца до 10 години не можат да го пренесат коронавирусот и дека можат слободно можат да ги гушкаат баба и дедо.
Сепак, тој напомена дека доколку дојде до средби помеѓу децата и нивните баби и дедовци, ваквите посети треба да бидат кратки, а не да траат по неколку часови.
„Малите деца не се инфицираат и не можат да го пренесат вирусот. Тие едноставно немаат рецептори за да се заразат. Знам дека многу баби и дедовци живеат за да ги видат своите внучиња и тоа е важно за нивното ментално здравје. Тие се изложени на поголем ризик од своите деца отколку од нивните внуци“, истакна д-р Кох.
Тој вели дека за овој проблем се консултирал со експерти од Цирих, Берн и Женева, но сите не се согласуваат со таквото мислење. Германскиот виролог Кристијан Дростен изјави за австриска телевизија дека во моментов нема доволно студии кои би потврдиле дека децата не можат да го пренесат коронавирусот.
