Бројот на деца во САД заразени со коронавирус скокна за 25 % помеѓу 3 и 17 декември, објави во понеделникот Американската академија за педијатрија.
Повеќе од 1,8 милиони деца низ САД се тестирани позитивно на коронавирус од почетокот на пандемијата, објавува ААП во својот последен извештај.
Само во текот на минатата недела се пријавени над 182 000 случаи кај деца, што е највисоко неделно зголемување од почетокот на пандемијата, соопштија американските педијатри.
- Тешка болест, хоспитализација и смрт од вирусот се се уште ретки кај децата.
„Сепак, има итна потреба да се соберат повеќе податоци за долгорочните влијанија на пандемијата врз децата, вклучително и начините на кои вирусот може да му наштети на долгорочното физичко здравје на заразените деца, како и неговите ефекти врз емоционалното и менталното здравје“, велат од ААП.
Заклучно со 17 декември, децата претставуваа помеѓу 1,1 % и 2,8 % од вкупните хоспитализации, во зависност од државата. ААП ги дефинира децата како 17-годишни и помлади.
Бројките во извештајот се веројатно потценети и нецелосни бидејќи сите држави не ги пријавуваат податоците на ист начин, пренесува „Си-Ен-Ен“.
