Децата кои ќе имаат блага форма на коронавирус, односно КОВИД-19 можеби нема да развијат антитела на вирусот, покажува австралиска студија.
Истражувачите споредиле 57 деца и 51 возрасен со благи симптоми на КОВИД-19 или со асимптоматски инфекции.
Само 37% од децата развиле антитела, во споредба со 76% од возрасните – иако вирусните оптоварувања биле слични во двете групи, откриле научниците.
Организмите на децата не произвеле ниту клеточен имун одговор на втора линија на вирусот, на ист начин како и возрасните, изјави водачот на студијата Пол Ликарди од Детскиот истражувачки иснтитут Мурдок во Мелбурн.
Сите испитаници опфатени во студијата биле заразени во 2020 година, информираше неговиот тим пред три дена на medRxiv.
Научниот труд се уште не поминал стручна рецензија.
“Треба да се истражи дали истото ќе се случи и кај моментално доминирачката делта варијанта на коронавирусот, како и да се спроведат студии за да се сфати зошто е помала веројатноста кај децата да се поттикне одговор на антитела по инфекцијата со SARS-CoV-2″, вели Ликарди.
“Не е јасно дали тоа значи дека децата се подложни на повторна инфекција“.
