♦♦♦♦♦♦♦
Универзитетската клиника за детски болести доби нов, освежен изглед: Комплетно се реновирани амбулантскиот дел, Ургентниот центар и чекалната за пациентите, со цел унапредување на условите за третман на пациентите, како и условите за работа на персоналот на оваа клиника, информираат од Министерството за здравство.
Оттаму дополнуваат дека амбуланскиот дел е целосно обновен со нова опрема, извршени се бројни градежни зафати, поставени нови прозорци, нова електрика, а во дел од просториите е променет таванот и подот. Комплетно се обновени тоалетите за пациентите и персоналот, и набавен е нов мебел, наменет за овие оддели.
Со цел непречено функционирање на клиниката во услови на пандемија од коронавирусот, се применуваат посебни мерки за заштита и во таа насока поставени се нови шалтери за прием на пациенти, како и нови столчиња во чекалната на пациентите.
Со оглед на актуелната состојба со коронавирусот, од Клиниката апелираат до родителите кои имаат потреба да ги донесат своите деца на преглед, да ги почитуваат мерките за заштита препорачани од Министерството за здравство: носење задолжителна заштита на лицето на родителот и детето, одржување најмалку два метра физичка дистанца и честа хигиена на раце
Исто така, комплетно се реновирани и опремени клиничката аптека, помошните простории и пералната.
Во однос на актуелната состојба со коронавирусот, од Клиниката апелираат до родителите кои имаат потреба да ги донесат своите деца на преглед, да ги почитуваат мерките за заштита препорачани од Министерството за здравство: носење задолжителна заштита на лицето на родителот и детето, одржување најмалку два метра физичка дистанца и честа хигиена на раце.
„Децата заслужуваат секогаш повеќе и подобро“, велат од Детската клиника од каде што најавуваат дека многу скоро продолжува обновата и на другите одделенија на Клиниката.
