ДЕТСКАТА ПАРАЛИЗА СЕ ВРАТИ: Издадено предупредување за полио во Британија откако болеста се шири за прв пат по речиси 40 години

• Полио, или полиомиелитис, е онеспособувачка и опасна по живот болест предизвикана од полиовирус.

• Вирусот се шири од човек на човек и може да го зарази ‘рбетниот мозок на една личност, предизвикувајќи парализа.

• Живее во грлото и цревата на заразено лице.

• Полиовирусот ги инфицира само луѓето. Влегува во телото преку устата и се шири преку: контакт со измет (фецес) на заразено лице или капки од кивање или кашлање на заразено лице (поретко).

• Повеќето луѓе кои ќе се инфицираат со полиовирус (околу 72 од 100) нема да имаат никакви видливи симптоми. Околу 1 од 4 лица (или 25 од 100) со полиовирусна инфекција ќе имаат симптоми слични на грип кои може да вклучуваат: воспалено грло, треска, замор, гадење, главоболка, болки во стомакот. (CDC)

Полио (детска парализа) се шири во Британија за прв пат по речиси 40 години, предупредија здравствените власти, прогласувајќи „национален инцидент“ и ги повикаа луѓето да се осигурат дека се вакцинирани.

Британија беше прогласена за полио-free во 2003 година, а последниот див случај беше откриен во 1984 година. Во средата, Агенцијата за здравствена безбедност на Обединетото Кралство (UKHSA) објави дека во февруари и во април во канализацијата од северен и источен Лондон е откриен вирус на полио добиен од вакцина, што укажува на ширење меѓу поединци.

Во ретки прилики, може да предизвика парализа кај луѓе кои не се целосно вакцинирани. Значи, ако вие или вашето дете не сте вакцинирани против детска парализа, важно е да го контактирате вашиот општ лекар, апелираат британските лекари

Здравствените експерти веруваат дека вирусот веројатно бил увезен од поединец на кој неодамна му била дадена орална вакцина против детска парализа која содржи жив вирус, кој потоа бил исфрлен преку фецес, така влегувајќи во канализациониот систем на Лондон.

Здравствените власти се многу загрижени за ширењето на вирусот во заедницата откако беа собрани примероци во Лондон. Вирусот, кој може да ги парализира жртвите, е детектиран во канализацискиот систем Бектон, 19 години откако детската парализа беше прогласена за искоренета во Велика Британија.

Продолжи да се развива и сега е класифициран како полиовирус тип 2 (VDPV2).

Официјалните лица веруваат дека има одредено ширење меѓу блиско поврзани лица во североисточен Лондон, веројатно меѓу членови на семејство, и дека овие луѓе сега исфрлаат сој на полиовирус тип 2 во нивните измети.

Итна истрага ќе се обиде да го утврди степенот на ширење во заедницата и да идентификува каде може да се случува. Агенцијата за здравствена безбедност на Обединетото Кралство вчера издаде предупредување, порачувајќи им на здравствените работници да пријават какви било сомнителни случаи. На жителите им било кажано да проверат дали се вакцинирани против детска парализа.

Како се пренесува?

Полио може да се пренесе преку лоша хигиена на рацете и, поретко, преку кашлање и кивање. Вирусот се размножува во цревата и заразените луѓе излачуваат големи количества вирус во изметот во текот на неколку недели.

Во ретки прилики може да го зарази ‘рбетниот мозок и основата на мозокот, предизвикувајќи парализа, обично во нозете, која се развива за неколку часа или денови. Ако се засегнати мускулите за дишење, тоа може да биде опасно по живот.

Децата рутински се вакцинираат против детска парализа во Британија, но официјалните лица се особено загрижени затоа што стапката на вакцинација кај младите е пониска во Лондон отколку во остатокот од земјата, при што околу еден од 10 воопшто не е вакциниран, а околу 30 проценти не се бустирани како тинејџери.

Кај невакцинираните популации, меѓу една од 100 и една од 1.000 инфекции со полио може да доведат до парализа, а официјалните лица се загрижени дека дури и целосно вакцинираните луѓе може да го фатат и да го шират вирусот без да знаат за тоа.

Д-р Ванеса Салиба, консултант епидемиолог во UKHSA, рече: „Полиовирусот добиен од вакцини има потенцијал да се шири, особено во заедниците каде што навлегувањето на вакцините е помало.“

„Во ретки прилики, може да предизвика парализа кај луѓе кои не се целосно вакцинирани. Значи, ако вие или вашето дете не сте вакцинирани против детска парализа, важно е да го контактирате вашиот општ лекар“.

Таа додаде: „Поголемиот дел од населението во Британија ќе биде заштитено од вакцинацијата во детството, но во некои заедници со ниска покриеност со вакцини, поединци може да останат во ризик“, пренесува британски „Телеграф“.