Дете кое има 29 месеци проживува експлозија на релникот, што значи дека брбори без престанување. Поттикнете го неговиот говор со прашања и читање приказни.
Што сега прави?
Со 29 месеци, детето станува понезависно. Освен што може само да јаде, може да почне и да се облекува и донесува сопствени мали одлуки. На оваа возраст и натаму можете да продолжите со вововедувањето обврски, а прва нека биде расчистувањето на играчките во собата, а забавно ќе му биде да го ангажирате и околу подготвувањето оброци.
Читањето и смислувањето приказни и натаму може да биде многу забавно, особено ако му поставувате на детето прашања како “што ти би направил“.
Како комуницира?
Ако има браќа или сестри, сега може да почне со нив да разговара, и секако да се расправа. На оваа возраст јасно ги изразуваат своите желби и ставови, па дури и по цена да се фрлат на под во плач, ако не ги послушате. Не попуштајте. Обидете се со смирен и цврст став, како и со компромис.
Како може да помогнете?
Кога ќе се разлути оти не може да си ги облече чорапите, немојте да бидете и вие после лути на него. Почитувајте го бесот и пофалете го дека прави најдобро што може.
Пофалбите се се уште најдобриот мотиватор, па фалете го, но и опоменувајте го секој пат кога ќе направи нешто лошо, односно добро.
