Дете на возраст од 28 месеци е мал ураган, што значи дека е време родителите повторно да го обезбедат сопствениот дом.
Што сега прави?
Со 28 месеци, дете треба да биде способно да ги собере играчките со кои си играло, што секако ќе ви го направи животот полесен. Но, тоа не значи дека и ќе го прави. Во склад со кампањата за вежбање на слободна волја, ќе биде потребен компромис да тоа и го направи. Нека собирањето играчки, исто како и облекувањето и миењето заби, како и јадењето станат рутина.
На оваа возраст децата се вистински мали урагани кои сакаат да вежбаат во секоја прилика. Затоа, време е повторно да го обезбедите домот од несакани несреќи, но и да разговарате со детето за потенцијалните опасности.
Ножички, ножеви и алати држете подалеку од детето, бидејќи станува многу љубопитно.
Како комуницира?
Сега веќе може да ги изрази повеќе чувства, како срам, пркос или повреденост. Кога зборува, си помага со рацете и со вперување прст кон она за кое зборува за полесно да објасни што сака.
Срамежливоста е исто така дел од неговата комуникација, особено со непознати. Покривањето на очите и главата кога нешто ќе згреши или кога ќе се навреди се нормална фаза која ќе помине.
Како може да помогнете?
Обврските како расчистување и собирање, претворете ги во игра. Предизвикајте го да покаже колку брзо може да ги тргне играчките од под. На тој начин ќе го направи она што вие сакате, а тоа ќе се забавува – совршена комбинација.
