Детето има 30 месеци, односно големи две и пол години. Тоа значи дека се наоѓа на пресвртница помеѓу бебе и дете. Таков е и неговиот развој: се зајакнува речникот, експресијата и говорот, а играта и самостојноста стануваат посилни.
Што сега прави?
Со 30 месеци може да вози трицкл, многу полесно се качува додека е на игралиште и обожува да прави неред во земја и во песок. Можеби ќе откриете дека особено го фасцинира одредено место, како вашата гаража. Погрижете се да биде безбедено и отстранете го опасниот алат и хемикалии.
Пластелин и слични нешта за моделирање може да бидат полн погодок. Одредете време за играње и уживајте во експресијата на креативноста. Кој вели дека и останатите играчки не може да се вклучат во моделирање?
Како комуницира?
Во речникот сега има најмалку 500 зборови и може да сложува граматички исправни реченици. Може да рецитира текст од детски песнички и да игра игри кои вклучуваат говор.
Пеењето и повторувањето на песни и танци, па дури и по неколку пати, може да се случува на дневна основа. Поттикнете ја креативноста со нови музички и сценски работи.
Како може да помогнете?
Разговарајте со него за работите кои ги гледа во вистинскиот живот, на телевизија, и во книгите. Сето тоа ќе му даде нови идеи за игри и мечтаење.
