Како и сите родители, и детските психолози сакаат нивните деца да пораснат во љубезни луѓе, да се сакаат себеси и другите и да знаат како да ги решаваат конфликтите на здрав начин. За да им помогнат на децата да ги развијат овие вештини, тие се потпираат на сопствените истражувачки и професионални вештини.
Самоприфаќање
Психологот Беки Лоис вели дека нејзиниот приоритет е да развие чувство на самоприфаќање кај детето. Таа сака нејзините деца да бидат автентични, да знаат кои се и да се чувствуваат удобно во својата кожа.
Љубезност и отвореност
Д-р Лоис сака нејзините деца да бидат љубезни спрема себе и да се однесуваат кон другите на ист начин. Со ова се согласува нејзината колешка Ангела Нарајан.
„Навистина е важно да ги научиме децата од предучилишна возраст како да бидат љубезни и да развиваат емпатија“, вели таа за „Тудеј“.
Здраво решавање на конфликти
Љубезноста и емпатијата се два елемента на уште една клучна вештина – решавање на конфликти на здрав начин. Според психолозите, децата гледаат како се однесуваат возрасните околу нив, особено нивните родители, па затоа е важно да внимавате на сопствените постапки.
Реакција на негативни емоции
Психологот Кетрин Хемфрис има три деца и на секое му пристапува различно. Притоа, ги учи како да одговорат на негативните емоции, како што се неуспехот или разочарувањето. Им ги нуди сите достапни стратегии за справување (длабоко дишење, позитивен разговор со себе, наоѓање пријатели за разговор или играње) за да можат да го искористат она што најдобро им одговара.
Барање помош
Д-р Лорен Кеч искрено се надева дека нејзините четири деца ќе развијат вештини за решавање проблеми и ќе разберат дека е во ред да се побара помош од други луѓе.
Доверба во нивната способност да се справат со животот
Д-р Кетри Хехт сака нејзините деца да научат да се справуваат со сè што животот им носи – и добро и лошо.
„Тоа е прилично битно за самодовербата и храброста. Да им се даде можност на децата да се соочат со сè ќе им овозможи да и веруваат на таа способност. И на крајот на денот, тие ќе се чувствуваат добро поради тоа“, заклучува таа.
