Џордан Питерсон, канадски психолог од Универзитетот во Торонто, верува дека проблемот со современите луѓе е што се преплашени од родителството.
„Еден ден ќе имате повеќе од 40 години, а нашата култура е таква како да постоиме само додека сме млади. Но, тоа не е вистина. Што ќе правите од 45 до 90? Ви треба семејство, да гледате како растат вашите деца, вашите внуци. Тоа е можеби најважното нешто во вториот дел од вашиот живот“, објаснува тој.
„Жените се плашат дека мајчинството ќе го убие нивниот дух. Мој совет до нив е – не дозволувајте тоа да стане духовно самоубиство. Најдете време за себе за да ја зачувате вашата креативност. Децата не мора да ви го „расипат“ животот. Ако тоа им го дозволите, тогаш ќе ги мразите и ќе се однесувате лошо со нив. Подобро е за нив и за вас да се изборите за вашето време.“
Луѓето се двоумат да имаат деца затоа што мислат дека децата се минијатурни тирани. Тие можат да бидат, ако им дозволите. Сериозно ве советувам: не воспитувајте ги децата да не ви се допаѓаат. Ако им дозволите да се однесуваат на начин кој не ви се допаѓа, тогаш родителството навистина ќе ви го расипе животот
Децата можат да научат сами да си создаваат своја забава, а уште полесно е кога имате повеќе деца, бидејќи тие можат да си прават друштво.
„Наместо да се плашите дека децата ќе ви ја одземат независноста, само треба да развиете здрава доза на себичност. Сум имал повеќе пациенти кои имале премногу несебични мајки, отколку оние кои имале мајки кои биле премногу себични. На децата им е важно да сте таму кога навистина им требате, а не да им стоите над глава.
Луѓето се двоумат да имаат деца затоа што мислат дека децата се минијатурни тирани. Тие можат да бидат, ако им дозволите. Сериозно ве советувам: не воспитувајте ги децата да не ви се допаѓаат. Ако им дозволите да се однесуваат на начин кој не ви се допаѓа, тогаш родителството навистина ќе ви го расипе животот. Но, вие имате огромна моќ да го контролирате односот со вашите деца. Не мора да дозволите децата да го имаат главниот збор. А не е ни добро за нив да бидат главни“, советува д-р Питерсон.
„Голема штета е што луѓето се плашат од деца, бидејќи децата можат да бидат апсолутно прекрасни. Се разбира, треба да бидете внимателни спрема нивните потреби, тие се изморуваат, огладнуваат, топло им е, го губат трпението. Но, тие се прекрасно друштво и неверојатно се смешни и ве сакаат и даваат многу повеќе отколку што земаат, доколку постапувате паметно како родители. Затоа, не плашете се од децата, па вие сте тие што се возрасни!“, порачува д-р Џордан Питерсон. (Детињарије)
