Повеќето од нас сигурно може да се присетат на некој пример поврзан со темата “заразна„ бременост. Постојат многу пријателки кои заедно биле бремено, па дури и оние кои родиле во растојание од неколку дена, а сега се знае дека постојат и научни докази за тоа.
“Бременост кај пријателка позитивно влијае на желбата за дете“, заклучиле авторите на истражувањето објавено во научното списание American Sociological Association.
За истражувањето, научниците анализирале податоци од 1720 жени во САД од средината на деведесетите до средината на 2000-тите. Со оглед дека неколку децении ги следеле жените кои во 1885 година имале најмалку 15 години, откриле дека половина од интервјуираните жени родиле дете до времето кога последно биле интервјуирани, односно до 2008 година.
За време на многуте интервјуа, жените ги бележеле пријателските врски, што на истражувачите им дало увид во нивните пријателства, како старееле. Посебно се фикусирале на најдобрите другарки од средно училиште кои останале пријателки низ сите тие години подоцна, и откриле дека постои силен елемент на “зараза“ кога е во прашање планирана бременост.
“Откривме дека овој ефект почнува во бременоста на пријателка, почнува да се зголемува кога пријателката ќе роди и го достигнува својот пик во текот на две години по раѓањето на детето“, велат авторите на истражувањето.
Истражувачите веруваат дека постојат три теории зошто бременоста е „заразна“ меѓу пријателките: социјално учење, социјално влијание и делење трошоци.
Жените повеќе тежнаат кон мајчинство ако видат дека нивна блиска пријателка успешно се носи со тоа. Од друга страна, жените не сакаат да се чувствуваат како да “заостануваат“ ако нивните пријателки колективно стануваат мајки. И трето, постојат неколку финансиски придобивки кога пријателките заедно можат да ги координираат активностите и да ги поделат трошоците за децата.
