Зимските месеци се период кога има различни вируси, а педијатарот д-р Нив Линч посочува на знаците кои може да укажуваат на респираторен синцицијален вирус и проблеми со дишењето кај децата. Попрецизно, докторката споделува видео на кое се гледа момче со отежнато дишење, на кое подоцна му е дијагностициран бронхиолитис предизвикан од респираторен синцицијален вирус (РСВ).
РСВ е респираторен вирус кој често се јавува, но може да биде посериозен кај бебињата и децата и е честа причина за бронхиолитис и пневмонија кај деца под една година.
Во видеото кое го сподели, д-р Линч истакнува дека може да се слушне како момчето тешко дише, но може да се види и како неговите ребра се вовлекуваат додека дише, а дишењето исто така е побрзо од нормалното.
„Дали би знаеле да препознаете дека вашето бебе или дете има проблеми со дишењето? На ова видео можете да слушнете како детето отежнато дише и е вознемирено. Исто така можете да видите дека му се вовлекуваат ребрата, но и дека дише побрзо отколку што треба Тоа зема приближно еден здив во секунда, што е 60 во минута, а тоа е пребрзо за дете“, објасни д-р Линч.
Таа покажа и како се вовлекуваат мускулите меѓу ребрата. „Гледате како изгледот ги мами сите, тој стои, игра, но погледнете му ги градите, гледате колку необично изгледа“, покажала докторката, а потоа го свртува вниманието кон изгледот на стомакот на детето.
„Овде можете да видите дека му работи стомакот. Некои родители го опишуваат тоа како детето да дише со стомак… Погледнете го и неговиот врат, можете да видите како му се вовлекува душникот секогаш кога ќе вдиши“.
Докторкатаот истакнала дека со момчето сега се е во ред, а мајка му штом ги забележала симптомите го однела во болница каде прво му се влошила состојбата, што често е случај со бронхиолитис и РСВ – да на децата им станува полошо, пред да им биде подобро.
„Момчето целосно се опорави по терапијата со кислород во болница“, рекла докторката.
Покрај отежнато дишење, еве кои уште други симптоми кои може да укажуваат на РСВ, кој обично започнува како обична настинка:
- Кашлица
- Кивање
- Течење на носот
- Потешкотии со хранење или намален апетит
- Зголемена телесна температура – повисока од 38 степени
- Воспалено грло
Симптомите обично се појавуваат во фази, не сите одеднаш, но имајте на ум дека тие може да укажуваат на други вируси, не само РСВ, поради што најдобро е да посетите лекар ако се сомневате дека вашето дете има респираторен синцицијален вирус.
По четири до пет дена, кај бебињата и малите деца може да се развие бронхиолитис и да се влошат симптомите кои може да бидат следниве:
- Забрзано дишење
- Свирење при дишење
- Потешкотии со хранење или намален апетит
- Помалку влажни пелени од вообичаено
Овие симптоми може да траат три до четири дена, пред состојбата да почне постепено да се подобрува. Обично се потребни меѓу 10 и 14 дена за децата целосно да се опорават од овој вирус.
Кога морате на лекар
Иако најчесто не е причина за загриженост, задолжително посетете лекар ако детето видно не е добро, ако температурата е висока, а мускулите на градите се повлекуваат навнатре при дишењето. Исто така, контактирајте со вашиот лекар ако:
- Бебето немало влажна пелена повеќе од 12 часа
- Бебето нема енергија да дои или одбива да јаде, како и ако дишењето прави проблем да се прицврсти на градите
- Ако го храните вашето бебе со шише и забележите дека консумира помалку од половина од количината на млеко што вообичаено јаде
- Температурата е повисока од 38 степени и не се намалува
- Ви делува како детето да има краток здив
- Нема енергија и е нервозно
Ако вашето дете ги има овие или кои било други симптоми кои ве загрижуваат, не двоумете се да контактирате со педијатар.
