Долгите и кратки должини (траења) на менструалниот циклус се поврзани со зголемен ризик од кардиоваскуларни болести и атријална фибрилација, укажуваат резултатите од неодамна објавеното истражување во кое учествувале 58.056 жени.
Имено, долгото и кусо траење на циклусот е поврзан со зголемен ризик од атријална фибрилација, а кратката должина на циклусот е поврзана со зголемен ризик од коронарна срцева болест и миокарден инфаркт (срцев удар). Треба да се спомене дека нема значајни поврзаности за мозочниот удар и затајување на срцето.
Се смета дека ова откритие укажува дека жените со дисфункција на менструалниот циклус може да имаат штетни последици по здравјето и ја нагласува важноста од следење на карактеристиките на менструалниот циклус во текот на репродуктивниот живот на жената во превенцијата на кардиоваскуларни заболувања и атријална фибрилација кај жените.
Извор: Journal of the American Heart Association
