Многу е важно од најраната возраст да се создадат добри навики на исхрана. Како и секој почеток, воведувањето нови намирници на менито на детето може да биде многу непријатно искуство за родителите. Вие толку многу сте се труделе да подготвите вкусен оброк за своето дете, а тоа се “кисели“ на секој обид да му ставите лажица во уста. Вистински среќници се оние родители чии деца од почетокот без проблем ја прифаќаат дохраната, но не е ништо необично ако детето не покажува воодушевеност од некоја нова намирница, со оглед на фактот дека дотогаш (главно е тоа најмалку шест месец) јадело само млеко. Посебно се чувствителни доените деца, оти ним хранењето не само што им го задоволува гладот, туку е и можност да се смират покрај мајката и да почувствуваат сигурност.
Кога ќе почнете на детето да му нудите нешто ново, одберете момент кога е добро расположено. Немојте да се изненадите ако детето, по упорно одбивање, еден ден само отвори уста и почне да јаде. Само морате да бидете упорни и помалку емоционално ангажирани – не сметајте го тоа за личен неуспех.
Очекувано е да бидете загрижени ако секојдневно морате да се борите со детето околу храната. Имајте на ум дека не можете да го присилите детето да го изеде она што ќе го ставите пред него. Најлошо е да го казнувате детето, да провоцирате конфликт, да губите нерви и создавате постојани расправии околу храната. Наместо тоа, обидете се да најдете смирен пристап и настојувајте на детето да му овозможите да јаде со сопствено темпо, вели д-р Ричард Вулфсон.
Постојат неколку темелни прашања кои родителите мораат да си ги постават сами на себе пред да почнат во било какви промени кај детето.
Првото е дали ве загрижува телесната тежина кај детето. Имано, најчестата грижа предизвикана од пребирливото јадење е дека детето нема да напредува како што треба. Затоа, нека неговата телесна тежина ја проверува матичниот педијатар, оти е многу веројатно дека тоа се развива и расте правилно.
Морате да бидете реални и да и погледнете на вистина во очи: дали сте нервозни затоа што пропаднал оброкот? Фрустрирачки е да минете многу време готвејќи, само за да видите како детето чепка по чинијата. На почетокот на дохраната, на детето ќе му давате еден цврст оброк дневно (најдобро оној помеѓу 11 и 13 чадот), а млекото, без разлика на новите оброци и натаму ќе ја чини основата на исхраната.
Повеќето деца кои се пребирливи при јадење, спонтано ја надраснуваат таа навика. Затоа, заборавете на прашањето: “Има ли моето дете проблем?“ и немојте премногу бурно да реагирате.
