ДОЗА ПОЗИТИВНИ ВЕСТИ Креативноста, љубезноста и каналите во Венеција даваат НАДЕЖ во ек на пандемијата на коронавирус

♦♦♦♦♦♦♦

Мрачни времиња за луѓето ширум светот, коронавирусот продолжува да се шири. Бројот на инфицирани и жртви се зголемува, градовите и државите се затвораат, а многу луѓе се принудени да седат во изолација. Но, среде сите овие загрижувачки вести, има и некои кои даваат надеж.

1. Загадувањето опаѓа

Како што се затвораат цели држави, така се бележат и значителни падови на нивото на загадување на воздухот.

И Кина и северна Италија забележаа големи падови на азотниот диоксид, сериозен загадувач на воздухот и моќна хемикалија, во услови на намалена индустриска активност и патувања со автомобили.

Истражувачите во Њујорк, исто така, изјавија за Би-Би-Си дека раните резултати покажуваат дека јаглеродниот моноксид, главно од автомобилите, бил намален за скоро 50 % во однос на минатата година.

Улиците на популарната туристичка дестинација во северна Италија се испразнија во екот на избувнувањето на епидемијата, што доведе до драстичен пад на водниот сообраќај. Вообичаено заматената вода се избистри толку многу што може да се видат дури и рибите

Со оглед на тоа што авиокомпаниите масовно ги откажуваат летовите и милиони луѓе работат од дома, се очекува земјите од целиот свет да го следат падот на загадувањето на воздухот.

2. Каналите станаа почисти

Жителите на Венеција забележале огромно подобрување на квалитетот на водата на познатите канали што поминуваат низ градот.

Улиците на популарната туристичка дестинација во северна Италија се испразнија во екот на избувнувањето на епидемијата, што доведе до драстичен пад на водниот сообраќај. Вообичаено заматената вода се избистри толку многу што може да се видат дури и рибите.

3. Дела на љубезност

Постојат многу приказни за панично пазарење и тепачки околу ролни за тоалет и конзерви, но вирусот, исто така, поттикна и дела на љубезност низ целиот свет.

Двајца жители на Њујорк собраа 1.300 доброволци за 72 часа за да доставуваат намирници и лекови на стари и ранливи луѓе во градот.

• Фејсбук соопшти дека стотици илјади луѓе во Велика Британија им се придружиле на локалните групи за поддршка формирани поради вирусот, додека слични групи се формирани и во Канада, каде владее тренд оригинално познат како „caremongering“

Супермаркетите во Австралија се меѓу оние кои имаат посебно време за пазарење односно „час за повозрасни“, така што постарите купувачи и лицата со посебни потреби имаат шанса да пазарат на мира и без турканици. Луѓето исто така донираат пари, споделуваат рецепти и идеи за вежби онлајн итн.

4. Обединет фронт

Помеѓу динамичните работни обврски и животот дома, честопати е лесно да се почувствувате исклучени од оние околу вас. Бидејќи вирусот влијае на сите нас, тој зближи многу заедници низ целиот свет.

Во Италија, луѓето се здружија заедно на своите балкони за песни што го зголемуваат моралот.

Фитнес инструктор во јужна Шпанија одржа час на покрив среде станбен комплекс, на кој жителите во изолација му се придружија од балконите.

Многу луѓе ја искористија можноста повторно да се поврзат со пријателите и најблиските преку телефонски или видео повици, додека групи на пријатели организираа виртуелни клубови или паб-сесии со помош на апликации за мобилни телефони

Вирусот, исто така, ја истакна и важноста на здравствените работници и другите луѓе кои работат во клучните услуги. Илјадници Европејци излегоа на нивните балкони и прозорци за да им аплаудираат на лекарите и медицинските сестри кои се борат против вирусот, додека студентите по медицина во Лондон се пријавија доброволно да им помогнат на здравствените работници во грижата за нивните деца и домашните работи.

5. Креативен бум

Со милиони луѓе сега заглавени во изолација, многумина ја користат можноста да бидат креативни. Корисниците на социјалните медиуми постојано споделуваат детали за нивните нови хобија, вклучувајќи читање, месење, плетење, сликање.

(Извор: Би-би-си)