За повеќето од нас, некои од најживите сеќавања од најраниот период на животот, се оние кои сме ги минале играјќи се со пријателите. Може да се каже дека другарството е една од најважните работи при растењето. Другарите не се само извор на забава, туку им помагаат на децата да се развијат на правилен начин.
Ова се некои од особините кои детето може да ги стекне низ пријателството:
САМОДОВЕРБА – Пријателите му помагаат на детето да открие кое е тоа всушност и надвор од семејството. Пријателствата се базирани на заеднички интерес, така да бирајќи ги своите пријатели, детето изразува кое е тоа всушност и што е тоа што го дефинира.
Често слушате реченици од типот: моите другари и јас тренираме фудбал, или ние свириме заедно. Кога детето има пријатели кои го сакаат, тоа му помага да создаде позитивна слика за себе.
НАДМИНУВАЊЕ ТЕШКИ МОМЕНТИ – Другарот е сојузник, кој му помага да ги надмине проблемите и разочарувањата. Децата, кои имаат барем еден најдобар другар, имаат помалку шанса да станат депресивни.
РЕШАВАЊЕ ПРОБЛЕМИ – Другарството им дава на децата многу прилики да поработат на несогласувањата, а тоа им дава можност да научат вештини на преговарање, прифаќање, компромис и простување. Исто така, постојат докази дека пријателството помеѓу децата е поврзано со подобро познавање на ефективниот менаџмент и решавање на практични проблеми.
ЕМПАТИЈА – можеби најмногу што децата го учат од пријателството е да ги поместуваат границите и да не ги гледаат сите работи од свој агол на интерес. Кога на детето му е важен пријателот, или дури и ако постои само желба со некој да си игра, таа го условува детето да биде помалку себично и повеќе да се грижи за другите. За да го одржат пријателството, децата мораат да научат да препознаваат и позитивно да реагираат на чувствата на своите другари.
