Растењето со токсична мајка може да има бројни последици врз животот на детето, а најчесто знаците на траума се видливи дури во зрелоста на детето.
Како што објаснуваат психолозите, на детето му е тешко да го препознае нездравото однесување на своите родители, а какво влијание оставиле врз него, во повеќето случаи, сфаќа кога самиот ќе стане родител.
Меѓутоа, експертите тврдат дека токсичните родители, а особено токсичните мајки, можат да се препознаат по речениците што ги користат секојдневно.
Најчесто, ова се фрази кои можеби на почетокот не звучат алармантно или чудно, но всушност се јасен знак дека станува збор за личност склона кон манипулација и токсични обрасци на однесување.
Една од тие фрази е: „Види што си направил/а“.
Оваа реченица најчесто ја користат токсичните мајки кои се обидуваат да го обвинат детето за сопствените чувства или реакции. На пример, ако мајката му викнала на детето или го удрила, таа ќе ја употреби оваа реченица за да се обиде да го оправда своето дејствие, иако е свесна за фактот дека самата е одговорна за тоа.
Друга фраза што често ја користат токсичните мајки е: „Зошто не можеш да бидеш како него/неа?“
Секоја споредба со други луѓе е лоша за здравјето на детето, а токсичните мајки ја користат таа реченица за да се обидат да го принудат детето да го промени своето однесување во согласност со нивните очекувања. Најчесто, се разбира, зборуваме за нереални барања.
