Според новото истражување објавено во списанието на Американската академија за детска и адолесцентна психијатрија, начинот на кој го одгледуваме своето дете може предизвика да биде поасоцијално и агресивно и да покажува повеќе таканаречени „неемоционални“ особини како недостаток на емпатија или морал. Ова е многу почеста појава кај децата кои ги воспитуваат родители кои се построги.
Ако родителот е нешто поагресивен во воспитувањето, децата не се чувствуваат добро, па дури ни сакано, поради што имаат тенденција да го избегнуваат друштвото и да се однесуваат асоцијално
„Тоа не е никакво изненадување“, вели Џудит Малиновски, клинички супервизор во „Ascension Eastwood Behavioral Health.“ „Може да биде случај со децата кои ги одгледуваат родители кои се престроги или премногу пасивни. Она што го откривам е дека на детето може да му биде исто толку тешко и кога неговиот родител е многу пасивен и детето е всушност задолжено за семејството. Во која било од крајностите, завршувате со млад човек кој е многу асоцијален“.
Како што објаснува Малиновски, ако родителот е нешто поагресивен во воспитувањето, децата не се чувствуваат добро, па дури ни сакано, поради што имаат тенденција да го избегнуваат друштвото и да се однесуваат асоцијално.
Истражувачите од Универзитетот во Пенсилванија и Универзитетот во Мичиген разгледале 227 пара идентични близнаци, или 454 деца на возраст меѓу шест и 11 години, за подобро да разберат дали стиловите на родителство одиграле одредена улога во емоционалниот развој на детето.
Родителите вклучени во студијата пополниле прашалници за нивната домашна средина и исто така биле замолени да оценат 24 изјави, вклучувајќи и „Често губам нерви поради моето дете“ и „Моето дете знае дека го сакам“.
На крајот од истражувањето, научниците заклучиле дека децата чии родители биле воспитувани во духот на таканареченото строго родителство имале многу поголема веројатност да бидат асоцијални и да покажат недостаток на емпатија од оние кои не биле така одгледувани.
„Развојно, децата се многу егоцентрични, мислат дека светот буквално се врти околу нив. Кога родителите се однесуваат кон нив на одреден начин, тоа може да ги направи многу збунети, а кога ќе влезат во состојба на збунетост, обично се затвораат во себе“, вели Малиновски.
