Понекогаш треба да ги оставите децата сами да сфатат како да ги решат проблемите или да ги почувствуваат последиците од нивните одлуки. Тоа го тврди познатиот психијатар и автор на бестселери, Даниел Амен. „Родителите грешат што ‘прават премногу’ за своите деца, што резултира со ‘ментално слаби деца’“, изјави Амен во поткастот „Built Different“.
Таквите однесувања, како на пример, сами да го изработите училишниот проект на вашето дете за да му помогнете да добие подобра оценка, или да му го дадете тоа што го сака само за да запрете претстоен излив на бес (тантрум) — ја ограничуваат менталната отпорност на децата и нивното чувство за независност, вели Амен. Истражувањата покажуваат дека децата со висока отпорност имаат поголеми шанси да станат среќни и успешни возрасни луѓе.
Колку повеќе ги поттикнувате децата да им помагаат на луѓето околу нив, од секојдневните обврски дома до нивните пријатели и соученици во училиште, толку повеќе тие ќе добиваат на моќ и одговорност кои им се потребни за самоуверено да се справат со сопствените предизвици
„Кога мојата ќерка ќе ја заборавеше домашната задача дома, никој не ѝ ја носеше во училиште. Ако не понесеше јакна на ладен ден, иако мајка ѝ ѝ рекла да го стори тоа, никој не ѝ ја носеше јакната“, вели Амен. „Многу е важно кога детето ќе каже ’досадно ми е’, наместо вие да го поправате тоа, едноставно да кажете: ’Се прашувам што планираш да преземеш во врска со тоа?‘“
„Ако правите премногу за вашите деца, вие ја зголемувате сопствената самодоверба крадејќи ја нивната“, додаде тој. „Луѓето развиваат ментална цврстина преку решавањето проблеми.“
Градењето на ментална отпорност кај детето не бара пристап на „строга љубов“ со сурови казни, изјави минатата година за CNBC Make It детскиот психолог од колеџот Барнард, Това Клајн. Обидот да ги заштитите децата од разочарување исто така нема да им помогне да изградат отпорност, вели Клајн.
Наместо тоа, можете да им дозволите на вашите деца да искусат неуспеси, грешки и други тешки моменти — додека истовремено им ставате на знаење дека сè уште ги поддржувате и ги сакате.
„Јас на тоа гледам како на поемпатичен, поврзан пристап. ’Ова можеби е тешко, и јас ќе бидам тука кога ќе завршиш‘“, вели Клајн, додавајќи: „Тоа е порака која гласи: ’Ти верувам дека ќе поминеш низ оваа тешка работа и ќе бидам тука без разлика како ќе помине, дали ќе победиш, дали ќе изгубиш или ќе бидеш некаде на средина. Тука сум за тебе.‘“
Градењето на ментална отпорност кај детето не бара пристап на „строга љубов“ со сурови казни, вели Това Клајн, детски психолог од колеџот Барнард. Обидот да ги заштитите децата од разочарување исто така нема да им помогне да изградат отпорност. Наместо тоа, можете да им дозволите на вашите деца да искусат неуспеси, грешки и други тешки моменти — додека истовремено им ставате на знаење дека сè уште ги поддржувате и ги сакате
Слично на тоа, колку повеќе ги поттикнувате децата да им помагаат на луѓето околу нив — од секојдневните обврски дома до нивните пријатели и соученици во училиште — толку повеќе тие ќе добиваат на моќ и одговорност кои им се потребни за самоуверено да се справат со сопствените предизвици, забележува Американската психолошка асоцијација во објава на својот блог.
„Оставете ги децата да почнат сами да ги разбираат своите проблеми или решенијата за нивните проблеми, наместо вие да бидете претерано вклучени во нив“, заклучува Амен. (CNBC)
