Многу жени со тешка мигрена не сакаат да забременат поради загриженост од појава на главоболки, покажало ново истражување. Инаку, мигрената особено ги погаѓа жените во репродуктивната возраст.
Меѓу нив, 72,5 проценти мислеле дека нивните мигрени ќе се влошат за време или непосредно по бременоста, 68,3 проценти сметале дека мигрената може да им ја отежне нивната бременост, а 82,6 проценти сметале дека мигрената ќе им го отежне одгледувањето на детето.
Истовремено, жените кои страдаат од мигрена изразиле загриженост дека лековите против мигрена ќе му наштетат на развојот на нивното дете и дека тоа ќе ги наследи гените кои го зголемуваат ризикот од мигрена.
Треба да се истакне дека жените кои имале мигрена поврзана со нивниот менструален циклус, имале поголема веројатност дека ќе избегнат да забременат, од оние кои немале мигрена поврзана со менструацијата.
Исто така, се покажало дека жените кои избегнувале забременување имале поголема веројатност да имаат историја на депресија, повеќе мигрени месечно и поголем инвалидитет поврзан со мигрената во текот на претходните три месеци.
Иако многу жени со мигрена не сакаат да забременат поради загриженост за своето здравје и за доброто на детето, истражувањата покажуваат дека мигрената се ублажува и до 75 проценти кај жените за време на бременоста.
