Нема родител кој не сака неговото дете да се однесува морално и општествено прифатливо, но сосема е природно децата понекогаш да грешат. Понекогаш е тешко да се најде рамнотежа помеѓу попустливо и строго родителство, како и начини да се казнат децата за лошо однесување.
Креативните казни или креативните последици ќе им помогнат на децата да сфатат дека можеби направиле нешто погрешно и ќе им помогнат да се вратат на вистинскиот пат без да се чувствуваат повредени или понижени кога ќе ви признаат. Оваа форма на „казнување“ се нарекува позитивна поткрепа. Овој метод ја прави помала веројатноста дека негативното однесување ќе се повтори во иднина.
Ова се 7 корисни препораки кои родителите можат да ги користат со своите деца.
Време во, а не тајм аут
Наместо да го казнувате детето и да го исрпаќате во соба, поттикнете го да направи некои креативни работи кои ќе го натераат да се вклучи. Кажете му да ги расчисти полиците со книги, да ја исчисти собата или да ја заврши книгата што треба да ја прочита за лектира. Така децата нема да се чувствуваат толку многу како да се казнети, а сепак ќе знаат дека мора да направат нешто поради нивното лошо однесување.
Кажете им да го изнесат миленичето на прошетка или трчање
Ако детето згрешило во нешто, оставете го да излезе и да се олади. Кажете му да го однесе кучето на прошетка или да истрча неколку круга со него. Ако немате домашно милениче, испратете го вашето дете да истрча неколку круга низ дворот или околу зградата каде живеете.
Зголемете го времето на спиење
Понекогаш можете да го прилагодите времето за спиење на вашето дете во зависност од тоа како се однесува во текот на денот. Ако детето било непослушно и сакате да го казните, зголемете го времето за спиење за пет до десет минути или како што сметате дека е правилно. Во добри денови, дајте им повеќе време за играње, а во лоши денови принудете ги да останат подолго во кревет. Овие методи можат да им помогнат да станат самодисциплинирани.
Натерајте ги да послужат вечера
Во случај кога постојано сте го викнале детето да дојде на масата, а тоа сè уште доцни, кажете му да послужи вечера. Ова не само што им влева чувство на одговорност, туку им покажува и дека има последици за нивните постапки.
Нека си го „држат“ јазикот зад заби
Речиси е сигурно дека детето ќе употреби вулгарен или непристоен збор пред вас. Кога тоа ќе се случи, натерајте го буквално да замолчи. Кажете му да го извади јазикот и да го држи во прстите неколку минути.
Нередот има свои последици
Секој пат кога детето ќе ја напушти собата и ќе остави неред или не прави нешто за што е задолжено, дајте му друга задача за тој ден. „Казни“ може да бидат бришење влажни садови, поставување трпеза за вечера, наводнување на растенија и се што е соодветно за нивната возраст.
Одредете области каде што децата не смеат да се караат
Кога во куќата живеат повеќе деца, речиси е сигурно дека ќе се скараат неколку пати во текот на денот. Ако децата често се караат, поттикнете ги да создадат различни „мирни“ зони внатре во куќата. Правилото е дека не смеат да се расправаат на тие подрачја.
