Експертите откриле дека девојчињата во Америка го доживуваат пубертетот на порана возраст отколку што очекувале биолозите и веруваат дека тоа е предизвикано од комбинација на зголемената стапка на дебелина, распространетоста на хемикалиите што се користат во пластиката и стресот што девојките го чувствуваат во секојдневниот живот, пишува „Њујорк Тајмс“. Сепак, тие се уште не се целосно сигурни ниту едногласни околу вистинските причини за оваа појава.
Експертите предупредуваат дека девојчињата кои минуваат низ ран пубертет се изложени на зголемен ризик од развој на повеќе видови на рак и дека страдаат од психолошки проблеми
Феноменот прва го открила д-р Марсија Херман-Гидденс, експерт за јавно здравје на Универзитетот во Северна Каролина, која почнала да собира податоци за повеќе од 17.000 девојчиња во средината на 1990-тите. Таа открила дека просечната возраст на почетокот на пубертетот опаѓа, се движи околу 10. година, а некои девојчиња влегуваат во пубертет веќе со шест години.
Експертите предупредуваат дека девојчињата кои минуваат низ ран пубертет се изложени на зголемен ризик од развој на повеќе видови на рак и дека страдаат од психолошки проблеми како депресија или анксиозност.
Херман-Гидденс, која работела како директорка на тимот за злоупотреба на деца на Универзитетот Дјук, забележала во тоа време дека многу злоупотребувани девојчиња почнале да се развиваат на возраст од шест или седум години.
Зголемениот стрес исто така има влијание на раниот пубертет. Иако не постојат конкретни докази дека стресот на мала возраст може да доведе до ран пубертет, експертите долго време шпекулираат за оваа каузалност
Студијата од 1997 година, која ја спровела Херман-Гидденс поради нејзината загриженост од забележаното, го промени тоа медицинското поле и лекарското разбирање на пубертетот кај девојчињата.
„Мислам дека денес нема многу сомнеж во тоа дека дебелината е главен фактор за раниот пубертет“, изјави за „Тајмс“ д-р Натали Шо, педијатриски ендокринолог, иако таа верува дека има и други фактори.
„Дебелината сè уште не може да го објасни сето ова… едноставно сè се случува пребрзо“, заклучува таа. Друг потенцијален фактор се хемикалиите во пластиката на кои се изложени младите девојки.
Зголемениот стрес исто така има влијание на раниот пубертет. Иако не постојат конкретни докази дека стресот на мала возраст може да доведе до ран пубертет, експертите долго време шпекулираат за оваа каузалност.
