Многу родители се прашуваат кога бебето почнува да го препознава своето име, со оглед дека тие почнуваат да препознаваат звуци на само неколку месеци. Од моментот на раѓање, бебето го слуша вашиот глас и многу рано почнува да го препознава, рано, бидејќи сепак ве слушало и во стомакот. Меѓутоа, одговорот на сопственото име доаѓа малку подоцна.
Како и со прозборувањето, одењето, така и ова се разликува од дете до дете.
Кога бебето ќе реагира на своето име?
Многу родители едвај го чекаат овој момент и се прашуваат кога детето навистина ќе реагира кога го викаме по име. Експертите велат дека тоа може да се забележи меѓу 8-ми и 10-ти месец. Како и со сите други пресвртници, не постои точно време кога детето ќе го препознае своето име. Веројатно до 15-ти месец детето ќе почне директно да реагира на неговото име.
Како детето почнува да го препознава името?
Сите бебиња се различни, така што и ова варира од дете до дете. Сепак, постојат некои показатели дека почнува да реагира на името.
- Кога го слуша своето име, почнува да се врти за да види од каде доаѓа звукот
- Престанала со тоа што го прави бидејќи го слушнало името
- Детето се насмевнува или одговара со глас кога ќе го слушне
Ако сакате да му помогнете на вашето бебе да го препознае своето име, д-р Расел Хортон, педијатар во Banner Health во Аризона, предлага да го користите што е можно порано и да се обидете да бидете доследни.
„Повторувањето е клучен фактор со чија помош доенчињата и малите деца учат“, вели Хортон. Додека му помагате на вашето бебе да научи да го препознава своето име, важно е да користите и топол глас.
Сепак, не грижете се и не размислувајте премногу. Бебето го развива својот говор и разбирање полека и со текот на времето.
