Европските жени во просек го раѓаат своето прво дете на 29,7 години, покажуваат податоците на Евростат. Оваа возраст континуирано се зголемува од 2013 година, кога изнесуваше 28,8 години.
Инаку, податоците се разликуваат во зависност од регионот. Жените во Шпанија и Италија го добиваат своето прво дете на 31,6 години, во Луксембург на 31,3 и во Ирска на 31,2 години.
За разлика од нив, жените во источна Европа раѓаат порано, па така Бугарките стануваат мајки на 26,5 години.
За да се одржи сегашниот број на население без миграција, жените би требало да имаат 2,1 дете, велат експерите.
Сепак, Европејките во 2021 година имале во просек по 1,53 деца, според Евростат.
