Европските жени во просек го раѓаат своето прво дете на 29,7 години, покажуваат податоците на Евростат објавени вчера. Оваа возраст континуирано се зголемува од 2013 година, кога изнесуваше 28,8 години.
Европејките во 2021 година имале во просек по 1,53 деца
Сепак, податоците варираат во зависност од регионот. Жените во Шпанија и Италија го добиваат своето прво дете на 31,6 години, во Луксембург на 31,3 а во Ирска на 31,2 години.
За разлика од нив, жените во Источна Европа раѓаат порано, па Бугарките стануваат мајки на 26,5 години.
За да се одржи сегашното население без миграција, жените би требало да имаат 2,1 дете, велат властите. Но, Европејките во 2021 година имале во просек по 1,53 деца, според Евростат.
