Зголемувањето на бројот на новоинфицирани со вирусот SARS-CoV-2 во земјите на ЕУ и ЕЕА е поврзано со забрзано ширење на делта варијантата, објави Европскиот центар за превенција и контрола на болести (ECDC).
Според податоците на ECDC, на 15 јули дошло до зголемување од 64,3% во споредба со минатата недела. Трендот на зголемување на новозаразените лица е забележан во 20 земји.
-
Во најпогодените земји најголемо зголемување на случаите е забележано кај лица на возраст од 15 до 24 години, а ограничено зголемување е забележано кај возрасната група од 65 години, објави ECDC
ECDC наведува дека состојбата во болниците засега е стабилна, односно капацитетите на болниците не се преоптоварени.
Според податоците од 24 земји, моменталната стапка на дневнa исполнетост на болничкиот капацитет е 4,2 на 100 000 жители. Минатата недела стапката беше 5,0 на 100 000 жители.
Стапката на исполнетост во единиците за интензивна нега се намалува веќе девет недели по ред. Таа стапка оваа недела изнесува 0,7 на 100 000 жители, а минатата недела беше 0,9 на 100 000 жители. ECDC наведува дека сепак во две земји е забележано зголемување.
