Многу идни мајки се прашуваат колку е безбедно да се фарба косата додека се бремени. Научниците објаснуваат дека истражувања правени на животни покажале дека фарбата за коса нема негативно или штетно влијание на бременоста, ниту на плодот, како и дека занемарливиот мал процент на хемикалии кои се наоѓаат во неа, се апсорбираат во организмот.
Сепак, не така мал број на бремени жени се се уште скептични, па за бојадисување на косата бираат алтернативни методи.
Филип Волф, познат светски фризер смета дека фарбањето на косата во бременоста е дискутабилна тема од причина што јавноста не се труди за тоа доволно да ги информира идните мајки.
“Колку јас што знам, нема научни докази кои би укажале на тоа дека контактот на фарбата за коса со скалпот може да му нештети на нероденото дете“, објаснува Волф, додавајќи дека не е стручњак за медицина, поради што и не се осмелува да даде конечен одговор на ова прашање.
Сепак тој, говорејќи од искуство, нагласува дека ова го смета за најголем мит за фарбањето коса.
Волф подвлекува дека амонијакот кој може да се пронајде во фарбите за коса е токсична супстанца, поради што на идните мајки им препорачува да изберат фарби кои не содржат амонијак. Тој истовремено смета дека трудниците не треба да се одлучат за значајни промени по прашање на бојата на косата и им препорачува на жените да за време на бременоста не прават драстични промени на бојата на косата.
