Агенцијата за храна и лекови на САД (ФДА) го предупреди медицинскиот и лабораторискиот персонал дека генетските мутации на коронавирусот, вклучително и варијантата B.1.1.7, откриена во Велика Британија, може да доведат до лажно негативни резултати на молекуларните тестови (PCR) за време на тестирањето за COVID-19.
ФДА во овој момент смета дека вакцините кои моментално имаат дозвола за употреба се сепак ефикасни во заштитата од мутираните соеви. Оттаму додаваат дека лекарите и јавноста ќе бидат информирани за потенцијалните нови наоди
PCR-тестот е молекуларна постапка заснована врз докажување на присуството на вирусната молекула на РНК.
Агенцијата го предупреди персоналот во клиничките лаборатории и давателите на здравствени услуги за можни лажно негативни резултати од кој било PCR тест и ги повика внимателно да ги разгледаат ваквите резултати во комбинација со клинички опсервации и да го повторат тестирањето, но со некој друг тест доколку и понатаму се сомневаат на COVID-19.
Лажно негативен резултат може да се појави кај кој било PCR тест доколку мутацијата се случила во дел од неговиот геном кој се тестира, предупредува ФДА, додавајќи дека, сепак, ризикот од тоа овие мутации да влијаат на целокупната точност на тестот е мал.
Позаразната варијанта на COVID-19 што ја погоди Велика Британија е забележана во најмалку пет држави во САД, објави минатата недела директорот на Националниот здравствен институт Френсис Колинс, а научниците во петокот рекоа дека новоразвиената вакцина би требало да биде подеднакво ефикасна и против новата варијанта на коронавирус.
ФДА во овој момент смета дека вакцините кои моментално имаат дозвола за употреба се сепак ефикасни во заштитата од мутираните соеви. Оттаму додаваат дека лекарите и јавноста ќе бидат информирани за потенцијалните нови наоди.
