Фебрилни конвулзии се напади кои можат да се појават кога детето има температура. Според NHS, тие најчесто се појавуваат на возраст од шест месеци до три години. Може да биде страшно и вознемирувачки да го видите вашето дете како има напад, особено ако тоа му е прв.
Сепак, педијатрите нагласуваат дека овие напади обично се безопасни и речиси сите деца потоа целосно закрепнуваат. Како мерка на претпазливост, најдобро е детето да се однесе во најблиската болница за да се направат сите потребни тестови, особено ако првпат се јавува конвулзија.
Знаци на фебрилни конвулзии
Фебрилните конвулзии обично траат помалку од пет минути, а за време на нападот, децата губат свест, стануваат вкочанети, а рацете и нозете може да почнат да се грчат. Кај некои луѓе се јавува и пења на устата. По нападот, вашето дете може да биде поспано до еден час, а директен фебрилен напад како овој обично се случува само еднаш.
Ако вашето дете има фебрилен напад, треба да се постави на страна. Останете со вашето дете и обидете се да забележите колку долго трае нападот. Лекарите предупредуваат дека ни случајно не смеете да ставате ништо во неговата уста
Во нешто поретки случаи, фебрилните конвулзии може да траат подолго од 15 минути, а симптомите можат да зафатат само на еден дел од телото на детето. Ваквите напади се познати како сложени фебрилни напади.
Што да направите за време на фебрилни конвулзии?
Ако вашето дете има фебрилен напад, треба да се постави на страна. Останете со вашето дете и обидете се да забележите колку долго трае нападот. Лекарите предупредуваат дека ни случајно не смеете да ставате ништо во неговата уста.
Однесете го вашето дете во најблиската болница ако:
- првпат добива напад
- нападот трае подолго од 5 минути и не покажува знаци на запирање
- се сомневате дека нападот е предизвикан од друга сериозна болест, на пример менингитис
- има потешкотии со дишењето
Иако е малку веројатно дека нешто сериозно не е во ред, важно е да го однесете вашето дете на преглед, според NHS. Ако детето веќе имало фебрилни напади или нападот трае помалку од 5 минути, побарајте го вашиот педијатар за совет. Треба да го контактирате и ако мислите дека вашето дете покажува знаци на дехидрација.
