Кога вашето дете е луто, една од најлесните работи што можете да ги направите е да му кажете да се смири, а експертите објаснуваат зошто таа фраза нема да го ублажи проблемот и што треба да направите наместо тоа. Терминот „смири се“ е контролирачки, отфрлачки и сугерира дека чувствата на личноста се небитни, пишува порталот „Parents“. Исто така, може да ја влоши анксиозноста.
Кога емоционалните потреби на една личност се потиснати во детството, тие се борат со нив во зрелоста. „Има возрасни кои ги задржуваат емоциите или целосно ги игнорираат бидејќи во одреден момент од животот им било кажано дека не е во ред да ги изразат јасно и отворено“, објаснува психотерапевтката
Психотерапевтката Рејчел Снајдер, која е специјализирана за тинејџерска анксиозност, депресија и траума, открила дека родителите никогаш не треба да му кажат „смири се“ на детето кога е вознемирено, исплашено или луто, бидејќи таа фраза не поттикнува раст и не промовира здрави вештини за соочување со проблемот. Наместо тоа, оваа изјава предизвикува вашето дете да се чувствува како да мора да ги игнорира сопствените чувства, и дека не е во ред да плаче или да се вознемирува. „Тоа му кажува на детето дека изразувањето емоции не е прифатено ни соодветно, нешто што никако не би го препорачала на ниту еден родител бидејќи тој пристап не е здрав“, вели Снајдер.
Овој пристап може да влијае и на детето кога ќе порасне. Според Снајдер, кога емоционалните потреби на една личност се потиснати во детството, тие се борат со нив во зрелоста. „Има возрасни кои ги задржуваат емоциите или целосно ги игнорираат бидејќи во одреден момент од животот им било кажано дека не е во ред да ги изразат јасно и отворено“, објаснува психотерапевтката.
Што можат да кажат родителите наместо тоа?
За да ги смирите емоциите на вашето дете користете бавно зборување, мирен тон на гласот и поттикнете го детето да ги одвои емоциите од своето однесување. Клучно е да се промени начинот на кој зборувате, вели Шенон Фројд, социјален работник од Торонто. „Наместо да кажете „Смири се“, кажете нешто како „Еј, тука сум за тебе. Што можам да направам за тебе?“
Синдер се согласува дека користењето изјави како: „Ти си тажен во моментов, сакаш ли да седнам со тебе?“ или „Се налути кога ти се скрши играчката, сакаш ли да зборуваш за тоа?“ може да биде многу корисно. Овие изјави ги потврдуваат емоциите на детето, им даваат до знаење дека е во ред да ги имаат овие чувства и им помагаат да почувствуваат дека не се сами, вели експертката.
