Го славиме светскиот ден на родителите (1 Јуни): НЕМА ПОСИЛНА ЉУБОВ ОД РОДИТЕЛСКАТА – ДА ИМ СЕ ЗАБЛАГОДАРИМЕ ЗА СЕ ШТО ПРАВАТ ЗА НАС

♦♦♦♦♦♦♦

Длабочината на љубовта на родителите спрема своите деца не може да се измери. Не се споредува со ниедна друга врска. Ја надминува грижата за самиот живот. Љубовта на родителот за детето е постојана и ги надминува сите таги и разочарувања.
– Џејмс Е. Фауст –

Светскиот ден на родителите се одбележува секоја година на 1 јуни и претставува важен потсетник за вредноста и важноста на семејството како заедница која промовира заедништво, хармонија и здравје како најголеми вредности.

Генералното собрание на Обединетите нации го прогласи 1 јуни за Светски ден на родителите во својата резолуција во 2012 година. Токму на овој ден им оддаваме специјално признание на родителите кои несебично, со својот пример, секојдневно се трудат и вложуваат во развојот и заштитата на најмладите членови, потенцирајќи ја важноста на родителската улога.

Децата треба да растат во семејна средина и атмосфера на љубов, среќа и разбирање. Семејството е темел на заедницата и општеството и игра клучна улога во обезбедувањето благосостојба на своите членови, во образованието и социјализацијата на децата и младите и во грижата за младите и старите.

На глобалниот ден на родителите, заблагодарете им се на вашите родители што го обликуваат вашиот живот и ве штитат од сите видови на страдања и тешкотии. А кога ќе пораснете, погрижете се родителите да не се чувствуваат осамено бидејќи тие отсекогаш биле и се на ваша страна.