Високиот крвен притисок (хипертензија) може да доведе до оштетување на органите, а ризикот не е ограничен само на возрасните, укажува нова студија. Имено, со зголемениот број на обезни деца, се зголемува и зачестеноста на хипертензијата, а со тоа и ризикот од затајување на органите кај адолесцентите.
Но, треба да се истакне и дека оштетувањето на срцето и крвните садови може да се појави и кај адолесценти за кои се претпоставува дека имаат нормален крвен притисок.
Доколку не се дијагностицира и лекува, високиот крвен притисок може да предизвика оштетување на мозокот, очите, срцето и бубрезите.
Денес, секое петто дете на возраст од 6 до 19 години е со прекумерна телесна тежина, што претставува сериозен здравствен проблем.
За да се осигурате дека вашите деца не се изложени на ризик од висок крвен притисок што може да доведе до затајување на органите, се препорачува проверка на нивниот крвен притисок за време на нивните годишни посети на лекар. Исто така, родителите треба сериозно да ја сфатат дијагнозата на хипертензија кај нивното дете.
Се смета дека промените во животниот стил кои вклучуваат одржување на здрава телесна тежина, намалување на внесот на сол и редовно вежбање помагаат да се намали ризикот од хипертензија.
Извор: American Heart Association
