Хормоните на штитната жлезда се важни за здравјето и плодноста на јачниците, а ефектите од ниското ниво на хормонот на тироидеата (хипотиреоза) и автоимуните болести на штитната жлезда на функционирањето на јачниците кај жените не се целосно сфатени. Но, сега резултати од девете студии покажале дека хипотиреозата и автоимуните болести на тироидеата можат негативно да влијаат на резервите во јајчниците кај жените, односно на вкупниот број здрави незрели јајце клетки во јајчниците.
Според мислењето на стручњаците, резултатите од овие студии нудат важна насока во одредувањето како хипотиреозата и автоимуните болести на штитната жлезда влијаат на развојот на фоликули во јајчниците.
Инаку, хипотиреозата е болест која доминира кај жените, дури и во репродукциоскиот приод, а познато е дека хормоните на тирпидеата учествуваат во контрола на менструалниот циклус. Имено, хормоните на тироидеата влијаат на делувањето на фоликулостимулирачкиот хормон (ФСХ) и лутеинизирачкиот хормон (ЛХ) преку биосинтеза на стероидите. Како таква, дисфункцијата на штитната жлезда го пореметува менструланиот циклус и овулацијата. Освен тоа, антителата на оваа жлезда се поврзани со неплодноста и спонтаниот абортус во рани фази на бременоста, иако механизмот не е детално разјаснет.
