Раѓањето бебе може да предизвика релапс кај мажите со историја на депресија, сугерира новото британско истражување. Истражувачите од Универзитетскиот колеџ во Лондон (UCL) ги анализирале медицинските досиеја на 90.000 мажи кои имале деца во претходната година и ги споредиле со оние кои не станале татковци.
Мажите кои не земале антидепресиви пред да имаат дете немале поголема веројатност за потреба од третман од мажите без деца.
Добро е познато дека историјата на ментална болест може драматично да го зголеми ризикот од депресија кај жените за време на бременоста и по породувањето. Но, ова е една од првите студии кои ја разгледуваат употребата на антидепресиви кај мажите по раѓањето на детето
Сепак, тие откриле дека новите татковци кои имале неодамнешна историја на употреба на антидепресиви имале повеќе од 30 пати поголеми шанси да им бидат препишани антидепресиви во првата година по раѓањето на детето.
Авторката на студијата Ајрене Петерсен, професор по епидемиологија и здравствена информатика на UCL, рече: „Некои од овие мажи ќе продолжат со третманот на кој веќе биле, но други немале неодамнешен рецепт и можеби доживеале релапс на депресија.
„Можеби тие се само посвесни за симптомите и побарале третман – ја разгледавме употребата на антидепресиви, а не дијагнозата. Она што го видовме е дека татковата постнатална депресија не е ризик освен ако не сте склони кон депресија. Но, имањето дете може да биде тригер за некои мажи“.
Добро е познато дека историјата на ментална болест може драматично да го зголеми ризикот од депресија кај жените за време на бременоста и по породувањето. Но, ова е една од првите студии кои ја разгледуваат употребата на антидепресиви кај мажите по раѓањето на детето.
Од 3.840 татковци кои примале антидепресиви во рок од една година од раѓањето на детето, 2.552 – приближно 66,5 проценти – имале дополнителни антидепресиви во годината по раѓањето на нивното дете.
Покрај тоа, од 1.206 татковци кои биле на антидепресиви помеѓу една и две години пред да се роди детето, 175 – или околу 14 проценти – имале дополнителни антидепресиви во годината по раѓањето на нивното дете.
Од 85.690 мажи кои немале историја на употреба на антидепресиви, на само 1.712 (два проценти) им биле препишани во годината по раѓањето на нивното дете. Во светлината на наодите, авторите сугерираат дека би можело да биде корисно да се направи проверка на менталното здравје кај нивниот општ лекар во првата година по раѓањето на детето.
Водечкиот истражувач, Холи Смит, рече: „Врската помеѓу депресијата и татковството е сложена, но откривме дека претходниот третман со антидепресиви е клучна детерминанта поврзана со употребата на антидепресиви во годината по раѓањето на детето.
„Ова може да биде затоа што мажите продолжуваат со лекувањето на кое биле пред да имаат дете, или овие мажи може да бидат поподложни на повторно чувство на депресија и предизвиците да имаат ново дете може да го влошат тоа.
„По раѓањето на детето, вниманието обично се фокусира на здравјето на мајката и бебето. Сепак, треба да се погрижиме и новите татковци да ја добијат потребната грижа, преку подобрување на истражувањата за новите татковци и нивното ментално здравје“.
Постнаталната депресија погодува една од десет новопечени мајки, според податоците на NHS, а исто толку жени имаат проблеми во текот на бременоста, пишува „Дејли мејл“.
