Во студијата, спроведена на речиси 4.000 мажи, околу 6% од нив имале зголемени симптоми на депресија во одреден момент за време на бременоста на партнерката или девет месеци по раѓање на детето, откриваат научниците.
“Мислам дека е важно паровите да бидат свесни дека било кој од нив може да развие симптоми и дека треба да побараат помош и поддршка“, вели водечкиот автор на студијата Лиса Андервуд.
Бременоста и раѓањето на детето, мажите може да ги стави под зголемен ризик од депресија, доадаваат експерите, иако истражувањата на ова подрачје типично се фокусираат на жените кои се под зголемен ризик од депресија за време на бременоста и по раѓањето на бебето.
Симптомите на машката депресија за време на бременоста поврзани се со стресот или со лошото здравје. По раѓањето, симптомите биле веројатни кај мажите кои биле под стрес за време на бременоста или веќе не се во врска со мајката на детето, мажи кои своето здравје го оцениле како лошо, оние кои биле невработени или оние кои имале историја на депресија претходно.
